آنکھوں میں چبھ گئیں تری یادوں کی کرچیاں

Wasi Shah

آنکھوں میں چبھ گئیں تری یادوں کی کرچیاں

آنکھوں میں چبھ گئیں تری یادوں کی کرچیاں
کاندھوں پہ غم کی شال ہے اور چاند رات ہے


دل توڑ کے خموش نظاروں کا کیا ملا
شبنم کا یہ سوال ہے اور چاند رات ہے


کیمپس کی نہر پر ہے ترا ہاتھ ہاتھ میں
موسم بھی لا زوال ہے اور چاند رات ہے


ہر اک کلی نے اوڑھ لیا ماتمی لباس
ہر پھول پر ملال ہے اور چاند رات ہے


چھلکا سا پڑ رہا ہے وصیؔ وحشتوں کا رنگ
ہر چیز پہ زوال ہے اور چاند رات ہے

کل ہمیشہ کی طرح اس نے کہا یہ فون پر

Wasi Shah

کل ہمیشہ کی طرح اس نے کہا یہ فون پر

کل ہمیشہ کی طرح اس نے کہا یہ فون پر
میں بہت مصروف ہوں مجھ کو بہت سے کام ہیں

اس لیے تم آؤ ملنے میں تو آ سکتی نہیں
ہر روایت توڑ کر اس بار میں نے کہہ دیا

تم جو ہو مصروف میں بھی بہت مصروف ہوں
تم جو ہو مشہور تو میں بھی بہت معروف ہوں

تم اگر غمگین ہو میں بھی بہت رنجور ہوں
تم تھکن سے چور تو میں بھی تھکن سے چور ہوں

جان من ہے وقت میرا بھی بہت ہی قیمتی
کچھ پُرانے دوستوں نے ملنے آنا ہے ابھی

میں بھی اب فارغ نہیں مجھ کو بھی لاکھوں کام ہیں
ورنہ کہنے کو تو سب لمحے تمھارے نام ہیں

میری آنکھیں بھی بہت بوجھل ہیں سونا ہے مجھے
رتجگوں کے بعد اب نیندوں میں کھونا ہے مجھے

میں لہو اپنی اناؤں کا بہا سکتا نہیں
تم نہیں آتی تو ملنے میں بھی آ سکتا نہیں

اس کو یہ کہہ کر وصی میں نے ریسیور رکھ دیا
اور پھر اپنی انا کے پاؤں پے سر رکھ دیا

خاموشی رات کی دیکتھا ہوں اور تجھے سوچتا ہوں

Wasi Shah

خاموشی رات کی دیکتھا ہوں اور تجھے سوچتا ہوں

خاموشی رات کی دیکتھا ہوں اور تجھے سوچتا ہوں
مد ہوش اکثر ہوجاتا ہوں اور تجھے سوچتا ہوں

ہوش والوں میں جاتا ہوں تو الجھتی ہے طبعیت 
سو با ہوش پڑا رہتا ہوں اور تجھے سوچتا ہوں

تو من میں میرے آ جا میں تجھ میں سما جاؤں 
ادھورے خواب سمجھتا ہوں اورتجھے سوچتا ہوں


جمانے لگتی ہیں جب لہو میرا فر خت کی ہوائیں 
تو شال قر بت کی اوڑھتا اور تجھے سوچتا ہوں

سمندر میں اترتا ہوں تو آنکھیں بھیگ جاتی ہیں (Wasi Shah)

Wasi Shah

سمندر میں اترتا ہوں تو آنکھیں بھیگ جاتی ہیں

سمندر میں اترتا ہوں تو آنکھیں بھیگ جاتی ہیں
تری آنکھوں کو پڑھتا ہوں تو آنکھیں بھیگ جاتی ہیں

تمہارا نام لکھنے کی اجازت چھن گئی جب سے
کوئی بھی لفظ لکھتا ہوں تو آنکھیں بھیگ جاتی ہیں

تری یادوں کی خوشبو کھڑکیوں میں رقص کرتی ہے
ترے غم میں سلگتا ہوں تو آنکھیں بھیگ جاتی ہیں

نہ جانے ہو گیا ہوں اس قدر حساس میں کب سے
کسی سے بات کرتا ہوں تو آنکھیں بھیگ جاتی ہیں

میں سارا دن بہت مصروف رہتا ہوں مگر جونہی
قدم چوکھٹ پہ رکھتا ہوں تو آنکھیں بھیگ جاتی ہیں

ہر اک مفلس کے ماتھے پر الم کی داستانیں ہیں
کوئی چہرہ بھی پڑھتا ہوں تو آنکھیں بھیگ جاتی ہیں

بڑے لوگوں کے اونچے بدنما اور سرد محلوں کو
غریب آنکھوں سے تکتا ہوں تو آنکھیں بھیگ جاتی ہیں

ترے کوچے سے اب میرا تعلق واجبی سا ہے
مگر جب بھی گزرتا ہوں تو آنکھیں بھیگ جاتی ہیں

ہزاروں موسموں کی حکمرانی ہے مرے دل پر
وصیؔ میں جب بھی ہنستا ہوں تو آنکھیں بھیگ جاتی ہیں

سوچتا ہوں كے اسے نیند بھی آتی ہوگی (Wasi Shah)

Wasi Shah

سوچتا ہوں كے اسے نیند بھی آتی ہوگی

سوچتا ہوں كے اسے نیند بھی آتی ہوگی 
یا میری طرح فقط اشک بہاتی ہوگی 

وہ میری شکل میرا نام بھلانے والی 
اپنی تصویر سے کیا آنکھ ملاتی ہوگی 

اِس زمین پہ بھی ہے سیلاب میرے اشکوں سے 
میرے ماتم کی سدا عرش حیلااتی ہوگی 

شام ہوتے ہی وہ چوکھٹ پہ جلا کر شامیں 
اپنی پلکوں پہ کئی خواب سلاتی ہوگی 

اس نے سلوا بھی لیے ہونگے سیاہ رنگ كے لباس 
اب محرم کی طرح عید مناتی ہوگی 

ہوتی ہوگی میرے بوسے کی طلب میں پاگل 
جب بھی زلفوں میں کوئی پھول سجاتی ہوگی 

میرے تاریک زمانوں سے نکلنے والی 
روشنی تجھ کو میری یاد دلاتی ہوگی 

دِل کی معصوم رگیں خود ہی سلگتی ہونگی 
جون ہی تصویر کا کونا وہ جلاتی ہوگی 

روپ دے کر مجھے اِس میں کسی شہزاادی کا 
اپنے بچوں کو کہانی وہ سناتی ہوگی

ﭼﻠﻮ ﺍﭼﮭﺎ ﮐﯿﺎ ﺗﻢ ﻧﮯ (Wasi Shah)

Wasi Shah

ﭼﻠﻮ ﺍﭼﮭﺎ ﮐﯿﺎ ﺗﻢ ﻧﮯ

ﭼﻠﻮ ﺍﭼﮭﺎ ﮐﯿﺎ ﺗﻢ ﻧﮯ
ﻣﺤﺒﺖ ﺗﺮﮎ ﮐﺮ ﮈﺍﻟﯽ

ﻣﺤﺒﺖ ﻭﯾﺴﮯ ﺑﮭﯽ ﺍﺗﻨﺎ ﺑﮍﺍ ﺭﺷﺘﮧ ﻧﮩﯿﮟ ﮨﻮﺗﺎ
ﺟﺴﮯ ﮨﺮ ﺣﺎﻝ ﻣﯿﮟ ﺭﮐﮭﻨﺎ ﺿﺮﻭﺭﯼ ﮨﻮ

ﻣﺤﺒﺖ ﺍﻭﺭ ﻣﺠﺒﻮﺭﯼ ﻣﯿﮟ ﺗﮭﻮﮌﺍ ﻓﺮﻕ ﮨﻮﺗﺎ ﮨﮯ
ﺧﻮﺷﯽ ﮨﮯ ﺗﻢ ﻧﮯ ﺍﺱ ﺭﺷﺘﮯ ﮐﻮ ﻣﺠﺒﻮﺭﯼ ﻧﮩﯿﮟ ﺳﻤﺠﮭﺎ

ﭼﻠﻮ ﺍﭼﮭﺎ ﮐﯿﺎ ﺗﻢ ﻧﮯ ﺭﯾﺎ ﮐﺎﺭﯼ ﻧﮩﯿﮟ ﮐﯽ ﮨﮯ
ﺍﺩﺍﮐﺎﺭﯼ ﻧﮩﯿﮟ ﮐﯽ ﮨﮯ

ﮐﻮﺋﯽ ﭘﺮﺩﮦ ﻧﮩﯿﮟ ﺭﮐﮭﺎ
ﮐﻮﺋﯽ ﺩﮬﻮﮐﮧ ﻧﮩﯿﮟ ﺭﮐﮭﺎ

ﻣﺤﺒﺖ ﺟﮭﻮﭦ ﮐﺎ ﻣﻠﺒﻮﺱ ﭘﮩﻨﮯ ﺧﻮﺑﺼﻮﺭﺕ ﺗﮭﯽ
ﮔﺮﯾﺒﺎﮞ ﭼﺎﮎ ﮨﻮﻧﮯ ﮐﺎ ﯾﮧ ﺩﮐﮫ ﺍﭘﻨﯽ ﺟﮕﮧ ﻟﯿﮑﻦ

ﺧﻮﺷﯽ ﮨﮯ ﺟﮭﻮﭦ ﮐﯽ ﺩﻧﯿﺎ ﻣﯿﮟ ﮐﭽﮫ ﺳﭽﺎ ﮐﯿﺎ ﺗﻢ ﻧﮯ
ﺑﮩﺖ ﺍﭼﮭﺎ ﮐﯿﺎ ﺗﻢ ﻧﮯ 

گئے سرخم، گئے پُرنم، گئے فریاد ہوتے ہیں

آشفتہ چنگیزی

       

       گئے سرخم، گئے پُرنم، گئے فریاد ہوتے ہیں

گئے سرخم، گئے پُرنم، گئے فریاد ہوتے ہیں

تمہارے عاشقاں صاحب، بہت برباد ہوتے ہیں

قفس دِکھتا نہیں اُن کا، نہ زنجیریں دِکھیں لیکن

ہو جن پر خوف کا پہرا، وہ کب آزاد ہوتے ہیں؟ 

اماں مانگیں تَو کس دل سے ہمیں معلوم ہے واعظ!

فلک کے کارخانے میں ستم ایجاد ہوتے ہیں

کوئی بھی کام ہو مشکل، ہمیں آواز دے لینا

تمہارے شہر میں جاناں ہمِیں فرہاد ہوتے ہیں

Sabhi Ko Apna Samjhta Hon Kya Howa Hai Mujhay by (آشفتہ چنگیزی)

آشفتہ چنگیزی

Sabhi Ko Apna Samjhta Hon Kya Howa Hai Mujhay

سبھی کو اپنا سمجھتا ہوں کیا ہوا ہے مجھے

بچھڑ کے تجھ سے عجب روگ لگ گیا ہے مجھے

جو مڑ کے دیکھا تو ہو جائے گا بدن پتھر

کہانیوں میں سنا تھا سو بھوگنا ہے مجھے

میں تجھ کو بھول نہ پایا یہی غنیمت ہے

یہاں تو اس کا بھی امکان لگ رہا ہے مجھے

میں سرد جنگ کی عادت نہ ڈال پاؤں گا

کوئی محاذ پہ واپس بلا رہا ہے مجھے

سڑک پہ چلتے ہوئے آنکھیں بند رکھتا ہوں

ترے جمال کا ایسا مزہ پڑا ہے مجھے

ابھی تلک تو کوئی واپسی کی راہ نہ تھی

کل ایک راہ گزر کا پتہ لگا ہے مجھے

آشفتہ چنگیزی

Ronay Ko Bohat Roye Bohat Aah O Fghan Ki by (آشفتہ چنگیزی)

آشفتہ چنگیزی

Ronay Ko Bohat Roye Bohat Aah O Fghan Ki

رونے کو بہت روئے بہت آہ و فغاں کی

کٹتی نہیں زنجیر مگر سود و زیاں کی

آئیں جو یہاں اہل خرد سوچ کے آئیں

اس شہر سے ملتی ہیں حدیں شہر گماں کی

کرتے ہیں طواف آج وہ خود اپنے گھروں کا

جو سیر کو نکلے تھے کبھی سارے جہاں کی

اس دشت کے انجام پہ پہلے سے نظر تھی

تاثیر سمجھتے تھے ہم آواز سگاں کی

الزام لگاتا ہے یہی ہم پہ زمانہ

تصویر بناتے ہیں کسی اور جہاں کی

پہلے ہی کہا کرتے تھے مت غور سے دیکھو

ہر بات نرالی ہے یہاں دیدہ وراں کی

آشفتہؔ اب اس شخص سے کیا خاک نباہیں

جو بات سمجھتا ہی نہیں دل کی زباں کی

آشفتہ چنگیزی

Tabeer Is Ki Kya Hai Dhuwan Daikhta Hon Mein by (آشفتہ چنگیزی)

آشفتہ چنگیزی

Tabeer Is Ki Kya Hai Dhuwan Daikhta Hon Mein

تعبیر اس کی کیا ہے دھواں دیکھتا ہوں میں

اک دریا کچھ دنوں سے رواں دیکھتا ہوں میں

اب کے بھی رائیگاں گئیں صحرا نوردیاں

پھر تیری رہ گزر کے نشاں دیکھتا ہوں میں

یہ سچ ہے ایک جست میں ہے فاصلہ تمام

لیکن ادھر بھی شہر گماں دیکھتا ہوں میں

ہے روشنی ہی روشنی منظر نہیں کوئی

سورج لٹک رہے ہیں جہاں دیکھتا ہوں میں

آیا جو اس حصار میں نکلا نہ پھر کبھی

کچھ ڈوبتے ابھرتے مکاں دیکھتا ہوں میں

کھائے گی اب کے بار بھی آشفتگی فریب

صید طلسم شعلہ رخاں دیکھتا ہوں میں

آشفتہ چنگیزی