Tamam Jalna Jalana Fasana Hota Hoa

تمام جلنا جلانا فسانہ ہوتا ہوا

چراغ لمبے سفر پر روانہ ہوتا ہوا

عجب گداز پرندے بدن میں اڑتے ہوئے

اسے گلے سے لگائے زمانہ ہوتا ہوا

ہری زمین سلگنے لگی تو راز کھلا

کہ جل گیا وہ شجر شامیانہ ہوتا ہوا

نظر میں ٹھہری ہوئی ایک روشنی کی لکیر

افق پہ سایۂ شب بیکرانہ ہوتا ہوا

رقابتیں مرا عہدہ بحال کرتی ہوئی

میں جان دینے کے فن میں یگانہ ہوتا ہوا

عرفان صدیقی

عرفان صدیقی

تو کائنات کو کیوں درد سر بنایا جائے

ذرا سی دیر کو رک کر کسی جزیرے پر

سمندروں کا سفر مختصر بنایا جائے

اب ایک خیمہ لگے دشمنوں کی بستی میں

دعائے شب کو نشان سحر بنایا جائے

یہی کٹے ہوئے بازو علم کیے جائیں

یہی پھٹا ہوا سینہ سپر بنایا جائے

سنا یہ ہے کہ وہ دریا اتر گیا آخر

تو آؤ پھر اسی ریتی پہ گھر بنایا جائے

عجب مصاف سکوت و سخن میں جاری ہے

کسے وسیلۂ عرض ہنر بنایا جائے